सोलुखुम्बु _सोलुखुम्बुको माप्य दुधकोशी गाउँपालिका वडा न. ४ डाँडागाँउ स्थित सानो फुलबारी सामुदायिक संस्थाले आयोजना गरेको सोलुखुम्बु ब्यापी नयाँ संरचना अनुसार वडा स्तरीय महिला तथा पुरुष भलिबल, माप्यदुधकोशी गाउँपालिका खुल्ला डबल ब्याटमिन्टन प्रतियोगिता कार्यक्रमको आज उद्घाटन भएको छ ।
कार्यक्रमको प्रमुख अतिथी बुद्धिकिरण, विशिष्ट अतिथी यसै गा.पा.का उपाध्यक्ष गौरब राई, वडा.४का वडा अध्यक्ष भक्त बहादुर राई,अन्य वडाका वडा अध्यक्षहरु, जनप्रतिनिधि, बुद्धिजीवी, सरोकारवालाको उपस्थिति रहेको उक्त कार्यक्रमको उद्घाटन गाउँपालिका अध्यक्ष बुद्धि किरण राईले गर्नु भएको छ। संस्थालाइ प्रत्यक्ष वा अप्रत्यक्ष रुपमा सहयोग गर्ने ब्याक्तित्वहरु ,खालिङ्ग पुर्खाहरुलाई कदर पत्रले यस संस्थाले सम्मान गरेका छन ।
यस प्रतियोगितामा भाग लिने भलिबल तर्फ महिला पुरूष गरि ३० टिम ,ब्याटमिन्टन तर्फ ४० टिम रहेका छन। भलिबल तर्फ आज पहिलो खेल माप्य दुधकोशी गा.पा ५ र माप्य दुधकोशी गा.पा ३ बिच भएको थियो । तर पहिलो सेट पछि समयको अभावमा खेल स्थगित गरिएको थियो ।सोही खेल भोलि बिहान हुने आयोजकले जानकारी दिनु भयो।
